Shaharlar qurilish yoki avtomobillar uchun emas, odamlar uchun bo‘lishi kerak
Butun dunyoda bo‘lganidek, O‘zbekistonda ham shaharlar aholisi ko‘payib bormoqda. 1991 yili shaharliklar ulushi jami aholining 40,3 foizni tashkil etgan bo‘lsa, bugun bu ko‘rsatkich 51 foizdan oshdi. Mutaxassilar bu ko‘rsatkich yildan yilga o‘sib borishini, shu bois, shaharsozlik infratuzilmasini yaxshilashga bo‘lgan e’tibor kuchaytirilishi lozimligini ta’kidlashmoqda. Aks holda bu ekologiya, elektr energiya, uy-joy va oziq-ovqat bilan bog‘liq muammolar xavfini oshiradi.
