Миллат етакчисининг коррупцияга қарши кураш миллий кенгаши мажлисидаги нутқида жамият танасидаги саратонга кўз юмиб келаётганимиздан тортиб, коррупциянинг ўқ илдизлари саналган миллий ҳашамат ва миллий дабдабалар фазилатга айланиб бораётганигача танқид қилинди...
«Миллий тикланиш» демократик партияси раиси Алишер Қодировнинг фикрича, ҳали кўпчилигимиз Давлат раҳбарининг тарихий нутқида илгари сурилган ташаббуслар, таклиф ва тавсиялар моҳиятини тўла англаб етганимизча йўқ. Ушбу нутқ аслида жамият учун уйғоқликка даъват бўлди.
Тан олайлик: глобаллашаётган дунё саҳнида юз бераётган воқеалар таҳлили кўзимизни очиши керак: фақат бирлашган, бир ёқадан бош чиқарган халқларгина тараққиётга эришмоқдалар.
Иқтисоди издан чиққан, миллий қадриятларидан узоқлашган халқларга ёрдам тариқасида узатилган қўллар эса унутмайлик, манфаатлар косасидан сув ичади. Шиддатли давр фақат ва фақат фидойи, фақат ва фақат ўз халқига содиқ, унинг келажагига ишонган фарзандлари бўлган жамиятгина эмин-эркин яшашини, изчил ривожланишини кўрсатяпти.
Шунингдек, кучли билим ва кучли эътиқодгина миллат ва элатларнинг жаҳон ҳамжамиятидан муносиб ўрин эгаллашига кафолат бўляпти. Коррупция деган иллат эса ана шундай паллада жамиятни емиради, халқни ишончсизлик ботқоғига ботиради.
Миллий кенгашда янграган фикрлар чиндан ҳам миллатга мурожаатдек янгради. Шунингдек, нутқда коррупцияни таг-томири билан қуритиш учун инсон омилига алоҳида эътибор қаратиш лозимлиги таъкидланди. Давлат раҳбари нутқида арзимасдек туюлган хатолар ҳам коррупцияга йўл очиши мумкинлиги қайта-қайта тилга олингани бежиз эмас.
Ҳатто унда ўрта бўғин қаршилик қилаётган ва парламент жасорат кўрсатиб қабул қилолмаётган муҳим ҳужжатга ҳам эътибор қаратилди. Бундан эса биз – депутатлар ва сиёсий партиялар жиддий хулосалар чиқарамиз, албатта. Эндиги вазифа қабул қилинган қарорлар, тавсия ва миллий тараққиётимизга хизмат қиладиган қонунларни тезроқ қабул қилиш ва улар ижросини сўзсиз таъминлашдан иборат.
Яна бир фикр: Коррупцияга қарши кураш миллий кенгаши мажлиси Давлат раҳбарининг Ёшлар билан учрашувидан кейинги иккинчи жуда муҳим стратегик мажлис бўлганини айтиш жоиз.
Юқорида айтилганидек, дунё жиддий ўзгаришлар остонасида турибди, бугунга келиб аввалги ўлчовлар ишламаяпти. Мамлакат ва унинг манфаатларини ҳимоя қилиш биринчи ўринда жамиятнинг бирлиги ва ҳамжиҳатлигига боғлиқ бўлиб қолаётир.
Ёшларга имконият бериш, уларга йўл очиш – келажак учун энг муҳим омилга айланди. Шу маънода ҳам Коррупцияга қарши кураш миллий кенгашида қабул қилинган қарорлар, асосан, бугунги кун муаммоларига ечим бўлиши муқаррар.
Коррупция – бу ҳокимият ва давлатга нисбатан ишончсизлик келтириб чиқаряпти! Бу – жиддий хавф. Ичимиздан бузишга интилаётганлар айнан шу нуқтада бирлашмоқдалар.
Буни ҳамма тушуниши керак: мамлакатимиз ривожига халақит бераётган иллатларни фақат ва фақат ўзимиз ҳал этишимиз шарт. Ёрдам бермоқчи бўлганлар ёки манфаатдор ҳамкорларимизнинг, албатта, ўз манфаатлари бўлади. Украина инқирози буни бутун бўйи-басти билан кўрсатиб берди, бундан эса хулоса қилиниши керак!
Муаммоларимиз етарли, тўғри, уларнинг ечими бўйича ҳар кимнинг ўз фикри бор, лекин қарор қабул қилиш учун ваколат берганларимизни обрўсизлантириш эмас, уларнинг муваффақиятидан манфаатдор бўлишимиз ҳаётий аҳамиятга эга. Таклифлар, танқидлар борми, марҳамат, ҳар қандай масалага шундай қараш билан ёндашишимиз лозим.
Тан олайлик: жамият танасига чуқур илдиз отган иллат билан курашяпмиз, лекин бунга қарши қонунимиз йўқ. Коррупция нима экани ҳам қонунчиликда белгиланмаган, бу албатта, парламентнинг камчилиги, тан олдик. Биз киритган қонун Президент томонидан қайтарилиши айтилди, қонунда миллий қадриятлар ва синовдан ўтган халқаро тажрибадан етарли даражада кенг фойдаланилмагани ҳам асослаб берилди, демак, қонунни такомиллаштирамиз.
Давлат хизматчиси даромадига мутаносиб бўлмаган мулкка эгалигини исботлай олмаса, жавоб бериши керак, жуда тўғри. Давлат хизматчиси камтар бўлиши керак, ёқмаса бизнес қилсин, марҳамат, лекин одамларни ҳокимиятга қарши қайрамасин!
Болаликдан бировнинг ҳаққидан қўрқишни ўргатиш – аждодлар ўгити, менимча, масаланинг фундаментал ечими. Давлат раҳбари томонидан яна бир бор тарбияга эътибор қаратилди. Шу маънода ҳам бировлар ҳаққидан қўрқмайдиганларга шафқат бўлмаслиги керак. Бу масалада узил-кесил ва кескин ёндашув бўлган эътиқод мезонларидан ҳам самарали фойдаланиш керак, деб ўйлайман.
Президент Коррупция агентлиги ишини кескин танқид қилди, лекин яна имконият берди. Ёш, билимли ва дунё кўрган раҳбарлар кам, лекин журъат ва жасоратсиз натижага эришиб бўлмайдиган даврда яшаётганимизга эътиборини қаратди.
Агентликда дунёқараши кенг, билимли ходимлар йиғилган, кўпини яқиндан биламан, лекин иллатга қарши курашаётганда муросасозликдан кечиб, миллат келажаги учун муросасизлик қиладиган вақт келди. Бизни энг катта муаммомиз ҳам «ўзбекчилик», керагидан ортиқ андиша ва қадриятимизда маданият ҳисобланадиган муросани манфаат йўлида ишлатиб юборилаётганидир, балки?
Давлат раҳбари Миллий кенгашда миллатимиз иллатларига қарши курашда бирликка чақирди.
Зеро, Миллий тараққиёт бирлаша оладиган халқларга насиб қиладиган натижадир!
«Миллий тикланиш» демократик партияси раиси Алишер Қодировнинг фикрича, ҳали кўпчилигимиз Давлат раҳбарининг тарихий нутқида илгари сурилган ташаббуслар, таклиф ва тавсиялар моҳиятини тўла англаб етганимизча йўқ. Ушбу нутқ аслида жамият учун уйғоқликка даъват бўлди.
Тан олайлик: глобаллашаётган дунё саҳнида юз бераётган воқеалар таҳлили кўзимизни очиши керак: фақат бирлашган, бир ёқадан бош чиқарган халқларгина тараққиётга эришмоқдалар.
Иқтисоди издан чиққан, миллий қадриятларидан узоқлашган халқларга ёрдам тариқасида узатилган қўллар эса унутмайлик, манфаатлар косасидан сув ичади. Шиддатли давр фақат ва фақат фидойи, фақат ва фақат ўз халқига содиқ, унинг келажагига ишонган фарзандлари бўлган жамиятгина эмин-эркин яшашини, изчил ривожланишини кўрсатяпти.
Шунингдек, кучли билим ва кучли эътиқодгина миллат ва элатларнинг жаҳон ҳамжамиятидан муносиб ўрин эгаллашига кафолат бўляпти. Коррупция деган иллат эса ана шундай паллада жамиятни емиради, халқни ишончсизлик ботқоғига ботиради.
Миллий кенгашда янграган фикрлар чиндан ҳам миллатга мурожаатдек янгради. Шунингдек, нутқда коррупцияни таг-томири билан қуритиш учун инсон омилига алоҳида эътибор қаратиш лозимлиги таъкидланди. Давлат раҳбари нутқида арзимасдек туюлган хатолар ҳам коррупцияга йўл очиши мумкинлиги қайта-қайта тилга олингани бежиз эмас.
Ҳатто унда ўрта бўғин қаршилик қилаётган ва парламент жасорат кўрсатиб қабул қилолмаётган муҳим ҳужжатга ҳам эътибор қаратилди. Бундан эса биз – депутатлар ва сиёсий партиялар жиддий хулосалар чиқарамиз, албатта. Эндиги вазифа қабул қилинган қарорлар, тавсия ва миллий тараққиётимизга хизмат қиладиган қонунларни тезроқ қабул қилиш ва улар ижросини сўзсиз таъминлашдан иборат.
Яна бир фикр: Коррупцияга қарши кураш миллий кенгаши мажлиси Давлат раҳбарининг Ёшлар билан учрашувидан кейинги иккинчи жуда муҳим стратегик мажлис бўлганини айтиш жоиз.
Юқорида айтилганидек, дунё жиддий ўзгаришлар остонасида турибди, бугунга келиб аввалги ўлчовлар ишламаяпти. Мамлакат ва унинг манфаатларини ҳимоя қилиш биринчи ўринда жамиятнинг бирлиги ва ҳамжиҳатлигига боғлиқ бўлиб қолаётир.
Ёшларга имконият бериш, уларга йўл очиш – келажак учун энг муҳим омилга айланди. Шу маънода ҳам Коррупцияга қарши кураш миллий кенгашида қабул қилинган қарорлар, асосан, бугунги кун муаммоларига ечим бўлиши муқаррар.
Коррупция – бу ҳокимият ва давлатга нисбатан ишончсизлик келтириб чиқаряпти! Бу – жиддий хавф. Ичимиздан бузишга интилаётганлар айнан шу нуқтада бирлашмоқдалар.
Буни ҳамма тушуниши керак: мамлакатимиз ривожига халақит бераётган иллатларни фақат ва фақат ўзимиз ҳал этишимиз шарт. Ёрдам бермоқчи бўлганлар ёки манфаатдор ҳамкорларимизнинг, албатта, ўз манфаатлари бўлади. Украина инқирози буни бутун бўйи-басти билан кўрсатиб берди, бундан эса хулоса қилиниши керак!
Муаммоларимиз етарли, тўғри, уларнинг ечими бўйича ҳар кимнинг ўз фикри бор, лекин қарор қабул қилиш учун ваколат берганларимизни обрўсизлантириш эмас, уларнинг муваффақиятидан манфаатдор бўлишимиз ҳаётий аҳамиятга эга. Таклифлар, танқидлар борми, марҳамат, ҳар қандай масалага шундай қараш билан ёндашишимиз лозим.
Тан олайлик: жамият танасига чуқур илдиз отган иллат билан курашяпмиз, лекин бунга қарши қонунимиз йўқ. Коррупция нима экани ҳам қонунчиликда белгиланмаган, бу албатта, парламентнинг камчилиги, тан олдик. Биз киритган қонун Президент томонидан қайтарилиши айтилди, қонунда миллий қадриятлар ва синовдан ўтган халқаро тажрибадан етарли даражада кенг фойдаланилмагани ҳам асослаб берилди, демак, қонунни такомиллаштирамиз.
Давлат хизматчиси даромадига мутаносиб бўлмаган мулкка эгалигини исботлай олмаса, жавоб бериши керак, жуда тўғри. Давлат хизматчиси камтар бўлиши керак, ёқмаса бизнес қилсин, марҳамат, лекин одамларни ҳокимиятга қарши қайрамасин!
Болаликдан бировнинг ҳаққидан қўрқишни ўргатиш – аждодлар ўгити, менимча, масаланинг фундаментал ечими. Давлат раҳбари томонидан яна бир бор тарбияга эътибор қаратилди. Шу маънода ҳам бировлар ҳаққидан қўрқмайдиганларга шафқат бўлмаслиги керак. Бу масалада узил-кесил ва кескин ёндашув бўлган эътиқод мезонларидан ҳам самарали фойдаланиш керак, деб ўйлайман.
Президент Коррупция агентлиги ишини кескин танқид қилди, лекин яна имконият берди. Ёш, билимли ва дунё кўрган раҳбарлар кам, лекин журъат ва жасоратсиз натижага эришиб бўлмайдиган даврда яшаётганимизга эътиборини қаратди.
Агентликда дунёқараши кенг, билимли ходимлар йиғилган, кўпини яқиндан биламан, лекин иллатга қарши курашаётганда муросасозликдан кечиб, миллат келажаги учун муросасизлик қиладиган вақт келди. Бизни энг катта муаммомиз ҳам «ўзбекчилик», керагидан ортиқ андиша ва қадриятимизда маданият ҳисобланадиган муросани манфаат йўлида ишлатиб юборилаётганидир, балки?
Давлат раҳбари Миллий кенгашда миллатимиз иллатларига қарши курашда бирликка чақирди.
Зеро, Миллий тараққиёт бирлаша оладиган халқларга насиб қиладиган натижадир!
