Кечиримлилик халқимизнинг қон-қонига сингиб кетган эзгу фазилат. Бу анъананинг барҳаёт яшаши жамиятда, оилаларда меҳр-оқибат, инсонийлик ришталарини янада мустаҳкамлайди.
Дунёда озодликдан улуғроқ неъмат йўқ. Кимнингдир ёмон иши учун уни бир умр чоҳда қолдириб бўлмайди. Кечириш, тўғри йўл топишига имкон бериш, зарур бўлса, қўллаб-қувватлаш асл инсоний қадриятлардан.
Жиноят содир этган шахсларни фақат жазолаш эмас, балки “Жаҳолатга қарши маърифат“ ғояси асосида қайта тарбиялаш керак. Шу маънода ҳам Афв институти жазолаш эмас, балки тарбиялаш ва тузалиш имкониятини бериш механизмидир. Бу халқнинг давлат сиёсатига ишончини оширади.
Муборак Рамазон ҳайитини нишонлаш арафасида Президентимиз томонидан имзоланган “Жазо муддатини ўтаётган, қилмишига чин кўнгилдан пушаймон бўлган ва тузалиш йўлига қатъий ўтган бир гуруҳ шахсларни афв этиш тўғрисида”ги фармон давлатимиз раҳбарининг халқона ҳамда инсонпарварлик сиёсатидан далолат беради.
Бинобарин, ушбу ҳужжатга мувофиқ, Конституциямизнинг 109-моддаси 23-бандига асосан, жазо муддатини ўтаётган ҳамда қилмишига чин кўнгилдан пушаймон бўлган ва тузалиш йўлига қатъий ўтган 488 шахс афв этилди.
Мазкур фармоннинг айни Рамазон ойида қабул қилиниши замирида ҳам ўзига хос маъно бор, албатта. Бу ойда яхшилик, кечиримлилик, ўзгаларга меҳр-оқибат кўрсатиш, адоватни унутиш каби инсоний фазилатлар кўпроқ намоён бўлади.
Эндиликда афв этилган ҳар бир шахс ўзига билдирилган ишончни оқлаб, юртимизда амалга оширилаётган ислоҳотларга муносиб ҳисса қўшади, жамиятда ўз ўрнини топади.
Умуман олганда, бундай сиёсат давлат ва фуқаролар ўртасидаги муносабатларни яхшилайди, ҳуқуқий онгни юксалтиради ва ислоҳотларга бўлган ишончни мустаҳкамлайди.
Дунёда озодликдан улуғроқ неъмат йўқ. Кимнингдир ёмон иши учун уни бир умр чоҳда қолдириб бўлмайди. Кечириш, тўғри йўл топишига имкон бериш, зарур бўлса, қўллаб-қувватлаш асл инсоний қадриятлардан.
Жиноят содир этган шахсларни фақат жазолаш эмас, балки “Жаҳолатга қарши маърифат“ ғояси асосида қайта тарбиялаш керак. Шу маънода ҳам Афв институти жазолаш эмас, балки тарбиялаш ва тузалиш имкониятини бериш механизмидир. Бу халқнинг давлат сиёсатига ишончини оширади.
Муборак Рамазон ҳайитини нишонлаш арафасида Президентимиз томонидан имзоланган “Жазо муддатини ўтаётган, қилмишига чин кўнгилдан пушаймон бўлган ва тузалиш йўлига қатъий ўтган бир гуруҳ шахсларни афв этиш тўғрисида”ги фармон давлатимиз раҳбарининг халқона ҳамда инсонпарварлик сиёсатидан далолат беради.
Бинобарин, ушбу ҳужжатга мувофиқ, Конституциямизнинг 109-моддаси 23-бандига асосан, жазо муддатини ўтаётган ҳамда қилмишига чин кўнгилдан пушаймон бўлган ва тузалиш йўлига қатъий ўтган 488 шахс афв этилди.
Мазкур фармоннинг айни Рамазон ойида қабул қилиниши замирида ҳам ўзига хос маъно бор, албатта. Бу ойда яхшилик, кечиримлилик, ўзгаларга меҳр-оқибат кўрсатиш, адоватни унутиш каби инсоний фазилатлар кўпроқ намоён бўлади.
Эндиликда афв этилган ҳар бир шахс ўзига билдирилган ишончни оқлаб, юртимизда амалга оширилаётган ислоҳотларга муносиб ҳисса қўшади, жамиятда ўз ўрнини топади.
Умуман олганда, бундай сиёсат давлат ва фуқаролар ўртасидаги муносабатларни яхшилайди, ҳуқуқий онгни юксалтиради ва ислоҳотларга бўлган ишончни мустаҳкамлайди.
