Ўшал кун келди! 1994 йилдан 2025 йилгача босиб ўтилган йўл...
2025 йилнинг июнь ойи Янги Ўзбекистон тарихига олтин ҳарфлар билан битиладиган бўлди.
5 июнь куни футболчиларимиз жаҳон чемрионатига чиқиш масаласини узил-кесил ҳал қилган бўлсалар, кеча – 10 июнда саралаш баҳсларининг сўнгги ўйинида Қатар футболчиларини 3 – 0 ҳисобида енгдик. Албатта, айтишга осон бу гаплар. Аммо МИЛЛАТ етакчисидан тортиб, оддий талабагача бу ўйинни юрагини ҳовучлаб, ҳаяжонларию, эҳтирослари овозини чиқармай, якунгача кўз тегмасин қабилида сукут сақлаб томоша қилди. Фақат ҳакамнинг ҳуштаги янграгандагина бўғзимиздан бир сўз отилиб чиқди: Беадад шукур, ниҳоят орзуимиз амалга ошди!
