Исломий банк фаолиятини тартибга солувчи қонун қабул қилинди

Исломий банк фаолиятини тартибга солувчи қонун қабул қилинди 
 
 📑 Қонунга мувофиқ, исломий банк фаолияти билан Марказий банк томонидан бериладиган лицензия асосида шуғулланиш мумкин. Лицензия чекланмаган муддатга берилади ва лицензияларни ёки уларга доир ҳуқуқларни бошқа шахсларга ўтказиш тақиқланади. 
 
 Қонун билан, қуйидаги исломий молия операциялари жорий этилмоқда: 
 
 🔹 фойдани тақсимлаш шарти асосида мижозни молиялаштириш ёки пул маблағларини жалб этиш – музораба; 
 
 🔹 вакиллик шартномаси орқали пул маблағларини бериш ёки инвестициявий омонатларга жалб этиш – вакала; 
 
 🔹 товарни насияга сотиш орқали мижозни молиялаштириш – муробаҳа; 
 
 🔹 товарлар учун олдиндан ҳақ тўлаш орқали мижозни молиялаштириш – салам ва истисно; 
 
 🔹 биргаликдаги фаолият (шерикчилик) юридик шахсларнинг устав капиталида иштирок этиши орқали мижозни молиялаштириш – мушорака; 
 
 🔹 мол-мулкни исломий ижарага бериш (сотиб олиш ҳуқуқи билан) кабилар.