Чумолиларнинг ҳам қабристони бор...

Чумолиларнинг ҳам қабристони бор...

 

Чумоли ўлганда  бошқа чумолиларни хабардор қилар экан.

Олимларнинг фикрича, чумоли ўлиш вақтида ўзидан махсус бир хид тарқатади. Ушбу хидни сезган бошқа чумолилар ўлган чумоли томонга шошиладилар. Сабаби, бошқа хашаротлар еб қўймасдан аввал уни топиб, дафн этиш…

Бир сафар ўша олимлар ўлган чумолидан чиқадиган моддадан олиб, тирик чумолининг танасига теккизиб қўйишибди. Шунда атрофдан чумолилар келиб тирик чумолини кўтариб, қабристонга олиб бориб, тириклайин кўмишибди. Кўмилган чумолининг танасидаги махсус ҳид тарқатувчи модда олиб ташлангачгина, улар чумолини тинч қўйишган экан.

Буни қарангки, чумолилар ҳам инсонларга ўхшаб ўликларини махсус қабристонларга дафн қилишар экан. Қабристон учун унумдор, обод жойларни эмас, балки чеккароқ, яшаш манзилларидан узоқроқ жой танланаркан.

Чумолилар ҳам маййитни сўнги манзилга катта жамоат бўлиб кузатишаркан. Бир кунда ўнлаб, гоҳида юзлаб чумолилар нобуд бўлади. Уларнинг дафнида иштирок этган чумолиларга ўликдан чиққан хид ўрнашиб қолади. Қабристондан қайтаётган чумолилар ўзларига ёпишган хидни кетказиш учун, баданларини ялашаркан. Агар шундай қилишмаса, уларни ҳам ўлганлар қаторида кўмиб юборишларига тўғри келаркан.

 Фарангиз Суннатова

тайёрлади.