Эндигина 20 ёшга тўлган Абдуқодир Ҳусанов дунёнинг футболи ривожланган юртлардан бирида туғилганида эди, у ҳақда бунчалар шов-шувли хабарлар тарқалмаган бўларди.
Бундан бир ойча аввал «Ким бу Абдуқодир Ҳусанов деганлари?» сарлавҳали мақола эълон қилиб, унда Абдуқодир Ҳусановнинг трансфер баҳоси янги йилда эллик миллионга – 50.000.000 кўтарилиши мумкин дея яхши ният қилгандик.
Бугун ана шу ниятимиз амалга ошди. Бир пайтлар отаси - Ҳикмат Ҳошимов ва ўзбек футболи юлдузлари бўлган Миржалол Қосимов, Тимур Кападзе, Одил Аҳмедов, Элдор Шомуродов, Отабек Шукуровларга ҳавас қилиб улғайган Абдуқодир куни кеча расман Англиянинг энг номдор клуби – «Манчестер Сити» ўйинчисига айланди.
Абдуқодир Хусанов 2004 йилнинг 29 февралида Тошкент шаҳрида туғилган. 2024 йилги Олимпия ўйинларининг эркаклар ўртасидаги футбол турнири иштирокчиси, Ўзбекистоннинг «Бунёдкор» клуби тарбияланувчиси.
Абдуқодир дастлаб клубнинг 18 ёшгача бўлган ёшлар тоифасида ўйнаган. 2022 йилнинг март ойидан бошлаб эса Беларуснинг «Энергетик» БГУ таркибига қўшилган. Футболчи клубдаги дебютини 2022 йилнинг 19 март куни Витебскга қарши ўйинда ўтказганини, илк голини эса 2022 йилнинг 2 май куни Неман Гроднога қарши ўйинда киритганини ва у ерда 2 та голли узатмани ҳам амалга оширганини футбол фанатлари бежиз эслашмаяпти.
Абдуқодир дастлаб клубнинг 18 ёшгача бўлган ёшлар тоифасида ўйнаган. 2022 йилнинг март ойидан бошлаб эса Беларуснинг «Энергетик» БГУ таркибига қўшилган. Футболчи клубдаги дебютини 2022 йилнинг 19 март куни Витебскга қарши ўйинда ўтказганини, илк голини эса 2022 йилнинг 2 май куни Неман Гроднога қарши ўйинда киритганини ва у ерда 2 та голли узатмани ҳам амалга оширганини футбол фанатлари бежиз эслашмаяпти.
Мавсум охирига келиб эса Абдуқодир мамлакатимиз Олий лигасининг кумуш медали соҳибига айланди ва чемпионатнинг рамзий терма жамоасига киритилди. 2022 йилнинг декабрь ойига келиб, у яна «Энергетик» БГУда ўз фаолиятини давом эттирди. Орадан кўп ўтмай – янги мавсумдаги илк ўйинда – 2023 йилнинг 2 апрелида асосий таркибда майдонга тушган Абдуқодир «БАТЕ»га қарши ўйин ўтказган, мавсумдаги илк голини эса 2023 йилнинг 23 апрель куни «Шахтёр Солигорск»га қарши ўйинда киритган эди.
Аммо Абдуқодирни катта майдонларга етаклаган ўйинлар ҳали олдинда эди: Ўзбекистон ёшлар терма жамоалари иштирокидаги ўйинлари уни ўз мақсадлари сари дадил етаклади ва хорижий мутахассислар назарига тушган Абдуқодирни 2023 йилнинг ёзида Франциянинг «Ланс» жамоаси ўз сафига қўшиб олди. Дарвоқе, А.Ҳусанов Франция чемпионатида ўйнаган биринчи ва ҳозирча ягона ўзбек футболчиси бўлди.
Маълум бўлишича, Абдуқодир Ҳусанов Бекободнинг «Металлург»ига узоқ йиллар сардорлик қилган Ҳикмат Ҳошимовнинг ўғли. Биламизки, ўғил бола учун ҳаётидаги илк қаҳрамони асосан отаси бўлади... Абдуқодир ҳам ёшлигидан дадасининг ўйинларини томоша қилиб катта бўлди.
Қайд этиш жоизки, Абдуқодирнинг фаолияти қийинчиликлар билан кечди. «Бунёдкор» клуби тарбияланувчиси бўлган ҳимоячига негадир қалдирғочларнинг бош жамоасида ишонч билдирилмади. Шунинг учун ҳам «Бунёдкор»нинг ўша даврдаги мураббийлари ёш футболчини деярли текинга – 100 долларга Беларус клубига «тортиқ» қилишди. Ваҳоланки, айримларнинг фикрича, Абдуқодир ёшлар жамоасида ўйнаганда ҳам топ ҳимоячи эканини кўрсатган эди...
Лекин Ҳусановнинг Беларусга юриши узоқ давом этмади. «Энергетик БГУ»да бир йилча ўйнаган Ҳусановни агентлар Франциянинг «Ланс» клубига таклиф қилишди. Французлар эса «Бунёдкор» мураббийларидан фарқли ўлароқ Ҳусановда ўзига хос иқтидор борлигини илғай олишди ва...
Тўғри, аввалига Ҳусанов захирадан майдонга тушиб юрди, лекин иккинчи мавсумданоқ у жамоанинг асосий ҳимоячисига айланди. Серхио Рамос усулидаги ўйинлари сабаб Европа грандлари унга ошиқ бўла бошлашди.
Маълумки, «Манчестер Сити» ҳозир қийин даврни бошдан кечирмоқда. Шунга қарамай, Гвардиола Ситини Англия футболининг чинакам гигантига айлантирди, ҳатто Чемпионлар Лигасини ютди. АПЛдаги совринлар сони бўйича эса фақат сэр Алекс Фергюсондан ортда қолмоқда. Охирги йилларда инглиз клублари Премиер Лигада иккинчи ўрин учун курашадиган бўлиб қолганди.
Аммо бу мавсумда Пепнинг жамоасида муаммолар кузатиляпти. Буларнинг барчаси Олтин тўп соҳиби Родри жароҳат олиб, сафдан чиққанидан кейин бошланди, дейиш мумкин. Албатта, бу ягона сабаб эмас, Де Брюйне ва Уокер каби футболчилар қарияпти, Грилиш ва Фоден ўйинида пасайиш кузатилди, бир йил олдин эса 117 миллион фунтга сотиб олинган Грилиш 2024 йил давомида бирорта ҳам гол урмади. Родри сафдан чиққани эса барчасидан ошиб тушди.
Аммо бу мавсумда Пепнинг жамоасида муаммолар кузатиляпти. Буларнинг барчаси Олтин тўп соҳиби Родри жароҳат олиб, сафдан чиққанидан кейин бошланди, дейиш мумкин. Албатта, бу ягона сабаб эмас, Де Брюйне ва Уокер каби футболчилар қарияпти, Грилиш ва Фоден ўйинида пасайиш кузатилди, бир йил олдин эса 117 миллион фунтга сотиб олинган Грилиш 2024 йил давомида бирорта ҳам гол урмади. Родри сафдан чиққани эса барчасидан ошиб тушди.
Қайд этиш жоизки, Абдуқодир Ҳусановнинг трансфери амалга ошгунга қадар «Кўҳна қитъа»нинг бир қатор нашрлари ва экспертлари ўзбек футболчисининг келажаги ва трансфер имкониятлари ҳақида ўзига хос тахминларни илгари сурдилар. Хусусан, sport.fr сайти эксперти Мано Бувьенинг ёзишича, Абдуқодир айни пайтда бутун Европанинг орзусига айланган ҳимоячидир. «...Абдуқодир ПСЖ бош мураббийи Луис Энрикега ҳам маъқул келди. Лекин ПСЖ ўзбек легионерини олишни истаётган ягона жамоа эмас эди. Шунинг учун ҳам ушбу трансферни амалга ошириш ПСЖга осон бўлмади.
Чунки ушбу рақобатга Англия Премьер лигаси клублари ҳам қўшилганди. Бу эса жараённи мураккаблаштирди. Бошқа томондан қаралганда «Ланс» раҳбарияти ўзбек футболчисининг трансферидан мўмайгина даромад ишлаб олди ҳам.
Чунки ушбу рақобатга Англия Премьер лигаси клублари ҳам қўшилганди. Бу эса жараённи мураккаблаштирди. Бошқа томондан қаралганда «Ланс» раҳбарияти ўзбек футболчисининг трансферидан мўмайгина даромад ишлаб олди ҳам.
Энди foot-sur7.fr портали эксперти Леонс Сириакнинг қуйидаги фикрларига эътибор қаратсак: «Ҳусанов «Ланс» таркибида жами 31 марта майдонга тушиб, 1 та голли узатмани амалга оширди. Унинг Франция клуби билан шартномаси 2027 йилнинг ёзига қадар имзоланган...»
Кўриниб турибдики, Абдуқодир Ҳусанов трансфери осонгина амалга ошгани йўқ. Нима бўлганда ҳам Абдуқодир Ҳусанов «Ланс»нинг энг қимматбаҳо «активи»га айланди.
«Манчестер Сити» Ўзбекистон миллий терма жамоаси ҳимоячиси Абдуқодир Ҳусанов билан келишувга эришгани ва трансферни 50 миллион евро эвазига амалга оширгани куни кеча расман эълон қилинди.
Бугунгача машҳур нашрлардан бири The Sun ўзининг thesun.co.uk сайтида Абдуқодир Ҳусанов ҳақида жуда қизиқарли фактларни келтирганини айтиш жоиз.
– Танишинг – «Манчестер Сити»га «Ланс»дан ўтган ўзбекистонлик ҳимоячи Абдуқодир Ҳусанов олимпия чемпионларидек тез югура олади ва жисмоний қуввати бўйича ҳақиқий «Танк».
Нима бўлганда ҳам дунёнинг энг таниқли мураббийларидан бири Пеп Гвардиола Абдуқодир Ҳусанов мисолида ҳақиқий ҳимоячига эга бўлди. 20 ёшли Абдуқодир ҳимоя чизиғидаги вазифаларига ижодий ёндашиб ўйнайди. Унинг Франция чемпионатидаги ҳимоявий характеристикаси 94 фоизни ташкил қилган.
Ҳусанов жисмонан бақувват, спорт тана тузилишига эга, кучли ва тезкор футболчи, - деб ёзмоқда thesun.co.uk сайти спорт шарҳловчиси Жошуа Жонс.
Англиянинг энг номдор клуби «Манчестер Сити»нинг янги футболчисига айланган Абдуқодир Ҳусанов айни пайтда нафақат ўзбек, балки дунё футбол ишқибозларининг ҳам меҳру-муҳаббатини қозонди. Унга миллионлаб мухлислар омад тилашмоқда. Биз ҳам барча юртдошларимиз номидан чинакам ўзбек ўғлонига омадлар тилаб, «Кўз тегмасин, Абдуқодир» деб қоламиз.
